Biografy
Martijn Oostra (1993) is dirigint, komponist, arranzjeur en slachwurkdosint.
Hy komt út in muzikale famylje en waard fan jongs ôf oan stimulearre syn niget oan klassike muzyk en komposysje te ferkennen. Op syn 7e sette er útein mei slachwurklessen, dy't er by C.M.V Oranje Boalsert fan syn heit krige. By dit slachwurkkensemble spile er sa'n fyftjin jier, en fan 2014 oant 2021 joech er sels de slachwurklessen. Ek stie er in oantal jierren as dirigint foar it B - slachwurkkensemble fan de klup. Yn 2011 helle hy de finale fan de komposysjewedstriid fan it Nederlands Blazers Ensemble en hy wûn doe de Jong Talintepriis dy't him kompositielessen oan it Koninklijk Conservatorium yn Den Haag opsmiet. Martijn behelle yn novimber 2021 syn diploma HaFaBra-direksje oan it Prins Claus Conservatorium yn Grins. Hy sleat syn stúdzjetiid ôf mei in einkonsert mei Soli Brass Ljouwert, de kampioensdifyzje brassband dêr't er fan syn 14e oant syn 20e slachwurker wie.
Op dit stuit is Martijn dirigint by Slagwerkensemble Appingedam, De Bazuin Oentsjerk B, Harmonie Wolvegea en Brassband Soli Deo Gloria De Tike. Hy jout de slachwurklessen by Slagwerkensemble Appingedam en wurket op ûnregelmjittige basis as slachwurk - en AMV-dosint foar ferskate opdrachtjouwers.
As komponist rjochtet Martijn him benammen op melodyske slachwurkkomposysjes. Foarbylden hjirfan binne El Dorado (útfierd troch Slagwerkensemble Appingedam op it WMC 2022), Elements (ferplichte wurk foar de basisklasse fan it ONSK 2017) en The Conquer of the Kraken (útfierd troch C.M.V. Oranje Bolsward op it NK 2019).
Dêrneist komponearret er foar HaFaBra en arranzjearret er stikken yn útienrinnende besettingen en yn ferskate muzikale stilen.
Hy komt út in muzikale famylje en waard fan jongs ôf oan stimulearre syn niget oan klassike muzyk en komposysje te ferkennen. Op syn 7e sette er útein mei slachwurklessen, dy't er by C.M.V Oranje Boalsert fan syn heit krige. By dit slachwurkkensemble spile er sa'n fyftjin jier, en fan 2014 oant 2021 joech er sels de slachwurklessen. Ek stie er in oantal jierren as dirigint foar it B - slachwurkkensemble fan de klup. Yn 2011 helle hy de finale fan de komposysjewedstriid fan it Nederlands Blazers Ensemble en hy wûn doe de Jong Talintepriis dy't him kompositielessen oan it Koninklijk Conservatorium yn Den Haag opsmiet. Martijn behelle yn novimber 2021 syn diploma HaFaBra-direksje oan it Prins Claus Conservatorium yn Grins. Hy sleat syn stúdzjetiid ôf mei in einkonsert mei Soli Brass Ljouwert, de kampioensdifyzje brassband dêr't er fan syn 14e oant syn 20e slachwurker wie.
Op dit stuit is Martijn dirigint by Slagwerkensemble Appingedam, De Bazuin Oentsjerk B, Harmonie Wolvegea en Brassband Soli Deo Gloria De Tike. Hy jout de slachwurklessen by Slagwerkensemble Appingedam en wurket op ûnregelmjittige basis as slachwurk - en AMV-dosint foar ferskate opdrachtjouwers.
As komponist rjochtet Martijn him benammen op melodyske slachwurkkomposysjes. Foarbylden hjirfan binne El Dorado (útfierd troch Slagwerkensemble Appingedam op it WMC 2022), Elements (ferplichte wurk foar de basisklasse fan it ONSK 2017) en The Conquer of the Kraken (útfierd troch C.M.V. Oranje Bolsward op it NK 2019).
Dêrneist komponearret er foar HaFaBra en arranzjearret er stikken yn útienrinnende besettingen en yn ferskate muzikale stilen.
